Հայաստանի գյուղնախարարություն. երկուշաբթի օրվա տեղումները չեն վնասի բերքին

ԵՐԵՎԱՆ, 13 ապրիլի. /ԱՌԿԱ/. Երկուշաբթի Հայաստանի մի շարք շրջաններում տեղացած անձրևն ու ձյունը չի վնասի բերքին, Գյուղատնտեսության նախարարությունում կայացած հերթական աշխատանքային խորհրդակցությունում հայտնել է գերատեսչության ղեկավարի տեղակալ Գառնիկ Պետրոսյանը։

Հայհիդրոմետկենտրոնի տվյալներով, մինչև հանգստյան օրերն անձրևներ են սպասվում Հայաստանի գրեթե ողջ տարածքում։
.
Օդի ջերմաստիճանն ապրիլի 13–ին և 14–ին կնվազի 4-5 աստիճանով, մյուս օրերին աստիճանաբար կբարձրանա։

Նիստի ընթացքում քննարկվել են նաև անասնաբուժության և կենդանիների պատվաստման հարցեր։

Համապատասխան գերատեսչություններին հանձնարարվել է հատուկ ուշադրությւոն դարձնել գյուղմթերքի գնման գործընթացին, մասնավորապես, կաթի գնման գների պահպանմանը։ -0-