Հիմնանորոգվում են Արարատ քաղաքի 6 շենքերի տանիքներ. ծրագրի արժեքը82 միլիոն դրամ է
18.09.2024,
13:21
Առաջնահերթությունը տրվել է այն շենքերին, որոնց տանիքները տարիների ընթացքում արևի, ձյան և անձրևաջրերի տակ գտնվելով՝ քայքայվել են
ԵՐԵՎԱՆ, 18 սեպտեմբերի./ԱՌԿԱ/. Կառավարության 2024 թվականի սուբվենցիոն ծրագրով հիմնանորոգվում են Արարատ քաղաքի 6 շենքերի տանիքներ։
ՀՀ ՏԿԵ նախարարությունը հայտնում է, որ առաջնահերթությունը տրվել է այն շենքերին, որոնց տանիքները տարիների ընթացքում արևի, ձյան և անձրևաջրերի տակ գտնվելով՝ քայքայվել են ու վնասել շենքերի վերին հարկերում բնակվող բնակիչների տները։
Ծրագրի արժեքը կազմում է շուրջ 82 միլիոն դրամ, որից Կառավարության մասնաբաժինը 40% է, 40% հատկացրել է համայնքը, 20%՝ այլ ներդրողներ։
Բոլոր տեղերում այս պահին աշխատանքներն արդեն մեկնարկել են։
Շինարարությունը կավարտվի առաջիկա ամիսներին։
