«2010» թվագրմամբ ակցիզային դրոշմանիշերը Հայաստանում կհանվեն կիրառությունից 2014 թ.–ի հոկտեմբերի 1-ից

ԵՐԵՎԱՆ, 11 սեպտեմբերի. /ԱՌԿԱ/. Որոշ ապրանքների դրոշմավորման համար «2010» թվագրմամբ ակցիզային դրոշմանիշերը Հայաստանում կհանվեն կիրառությունից այս տարվա հոկտեմբերի 1-ից, համապատասխան որոշում է ընդունվել հինգշաբթի Հայաստանի կառավարության նիստում։

«Միաժամանակ, նմանատիպ ակցիզներով ապրանքների իրացումը կարող է շարունակվել մինչև 2015 թվականի հունիսի 1–ը, ինչից հետո կարգելվի»,– նիստում ասաց Ֆինանսների նախարար Գագիկ Խաչատրյանը։ -0-