Հայաստանում աշխատանքի 10 տարվա ընթացքում «Չեխական ավիաուղիները» տեղափոխել է ավելի քան 300 հազար ուղևոր գրեթե 2 հազար չվերթով
ԵՐԵՎԱՆ, 21 հունիսի. /ԱՌԿԱ/. Պրահայի և Երևանի միջև օդային կապի իրականացման 10 տարվա ընթացքում «Czech Airlines»-ը երկու մայրաքաղաքներ է տեղափոխել ավելի քան 300 հազար ուղևոր` ընդհանուր առմամբ գրեթե 2 հազար չվերթով, հաղորդում է ավիաընկերության մամուլի ծառայությունը։
«CzechAirlines» ընկերությունը հունիսի 22-ին նշում է Պրահա-Երևան կանոնավոր չվերթի իրականացման 10-ամյակը։
«Նոր մտցված` երեքշաբթի և կիրակի օրերին իրականացվող չվերթերի շնորհիվ արդեն Երևանի և Պրահայի միջև ամենօրյա օդային հաղորդակցություն կա», - նշված է հաղորդագրության մեջ։
Այն 300 հազար ուղևորների կեսը, որոնք 10 տարի օգտվել են ավիաընկերության ծառայություններից, ընկերության օդային հաղորդակցությունից օգտվել է վերջին երեք տարում։
«Դա վկայում է հայ ուղևորների համար տվյալ ավիագծի աճող նշանակության և դեպի Չեխիայի Հանրապետություն, այնուհետև` Եվրոպա չվերթերի գրավչության մասին», - նշված է հաղորդագրությունում։
Մինչ օրս «Czech Airlines» ընկերությունը դեպի Երևան և հակառակը տեղափոխել է ավելի քան 3,3 մլն. կգ բեռ և ավելի քան կես տոննա փոստային թղթակցություն։
Ընթացիկ ամառային սեզոնին «Czech Airlines»-ն առաջարկում է ամենօրյա օդային հաղորդակցություն Պրահայի հետ։ Ընկերությունն այդ նպատակով օգտագործում է Airbus A319 և A320 օդանավերը։
«Երևանից չվերթերը հիանալի համակցվում են «Czech Airlines» ընկերության հիմնական չվերթերի հետ, որոնք Պրահայից կատարվում են դեպի Կենտրոնական և Արևմտյան Եվրոպա», - նշված է հաղորդագրության մեջ։
«Czech Airlines»-ը նաև Պրահայից օդային հաղորդակցություն է իրականացնում դեպի Միջին Ասիա, Անդրկովկաս և Մերձավոր Արևելք։ 2013թ. ամառային շրջանում իր գործընկերների հետ համագործակցությամբ ընկերությունն առաջարկում է 87 ուղղություն` դեպի աշխարհի 49 երկիր։
2001թ.-ից «Չեխական ավիաուղիներն» անդամակցում է «Սքայ Թիմ» («SkyTeam» միջազգային դաշինք է, որտեղ ընդգրկված են 19 խոշորագույն ավիաընկերություններ) դաշինքին, և դա թույլ է տալիս նրա ուղևորներին հարմարավետ համակցումներով թռիչքներ կատարել աշխարհի հարյուրավոր երկրներ։
«Czech Airlines» ընկերությունն ունի ISO 14001 և IOSA (IATA Operational Safety Audit) համապատասխանության հավաստագրեր։ --0--
