Աշխատանքից ազատվել է ՀԷՑ գործադիր տնօրենի տեղակալի պաշտոնակատար Դավիթ Ղազինյանը
ԵՐԵՎԱՆ, 22 հուլիսի․/ԱՌԿԱ/․ ՀԷՑ-ի գործադիր տնօրենի տեղակալի ժամանակավոր պաշտոնակատար Դավիթ Ղազինյանն աշխատանքից ազատվել է։ Տեղեկությունը «Նովոստի-Արմենիա»-ի հետ զրույցում հաստատել է ՀԷՑ ընկերության մամուլի քարտուղար Նատալյա Սարջանյանը։
Ավելի վաղ րագրողների հետ զրույցում ՀԷՑ–ի ժամանակավոր կառավարիչ Ռոմանոս Պետրոսյանը, անդրադառնալով ՀԷՑ-ի տնօրենի ժամանակավոր պաշտոնակատար Դավիթ Ղազինյանին աշխատանքից ազատելու հարցին, ասել է. «Դավիթ Ղազինյանը ձև չունի մնալու, քանի որ ՀԷՑ-ն այս վիճակի հասցնողներից մեկը հենց նույն պաշտոնյան է։ Այս պահին նա ի պաշտոնե իմ ենթական է, նրա լիազորությունները դադարել են ուրբաթ օրը, ժամը 18։00–ից, և իր հայտնի ասուլիսը նա տվել է՝որպես գլխավոր տնօրենի տեղակալ, այդ պահին նա ժամանակավոր պաշտոնակատար չէր»,– ասել է Պետրոսյանը։
