Արդշինբանկը և Mastercard-ը առաջարկում են վճարել Apple Pay-ով և ստանալ քեշբեք

ԵՐԵՎԱՆ, 2 նոյեմբերի./ԱՌԿԱ/. Արդշինբանկը և Mastercard-ը հայտարարում են նոր ակցիայի մասին և առաջարկում են կատարել անկանխիկ վճարումներ ամենապարզ, արագ տարբերակներից մեկով՝ Apple Pay-ով, և ստանալ քեշբեք։

Ակցիային կարող են մասնակցել Արդշինբանկի Mastercard Standard, Mastercard Gold և Mastercard World Black Edition քարտապանները՝ կցելով իրենց քարտը Apple Wallet-ին Արդշինբանկ մոբայլի կամ iPhone-ի Wallet հավելվածի միջոցով:     
Ակցիայի պայմանների համաձայն՝ առաջին 3000 Mastercard քարտապանները, ովքեր նոյեմբերի 1-30-ը Apple Pay-ի միջոցով կկատարեն ընդամենը 3 անկանխիկ վճարում՝ ընդհանուր 5000 ՀՀ դրամ կամ ավել գումարի չափով, նույն քարտին կստանան 1000 ՀՀ դրամ քեշբեք ակցիայի ավարտից հետո 15 օրվա ընթացքում: Արշավի շրջանակում 1000 ՀՀ դրամ քեշբեքը քարտապանին վճարվում է մեկ անգամ:  
  
Հիշեցնենք, որ Արդշինբանկն առաջիններից էր Հայաստանում, որ գործարկեց Apple Pay-ի միջոցով վճարումները Mastercard-ով: 

Արդշինբանկը վերահսկվում է ՀՀ ԿԲ կողմից: --0--