Հայաստանում կարող է Սյուզ լա Ռուս համալսարանի ներկայացուցչություն բացվել
03.10.2013,
13:59
Հայաստանում կարող է ֆրանսիական Սյուզ լա Ռուս համալսարանի ներկայացուցչություն բացվել, հինգշաբթի լրագրողներին ասաց ՀՀ էկոնոմիկայի նախարարության Զբոսաշրջության վարչության պետ Մեխակ Ապրեսյանը։
ԵՐԵՎԱՆ, 3 հոկտեմբերի. /ԱՌԿԱ/. Հայաստանում կարող է ֆրանսիական Սյուզ լա Ռուս համալսարանի ներկայացուցչություն բացվել, հինգշաբթի լրագրողներին ասաց ՀՀ էկոնոմիկայի նախարարության Զբոսաշրջության վարչության պետ Մեխակ Ապրեսյանը։
Նա նշեց, որ Հայաստանում է գտնվում համալսարանի տնօրեն Ռընե Պայանի (Rene Payan) գլխավորած պատվիրակությունը, որի հետ նախատեսվում է քննարկել համագործակցության ձևաչափերը։
«Այսօր նախատեսված են ֆրանսիական համալսարանի ներկայացուցիչների և Հայաստանի ագրարային համալսարանի ղեկավարության բանակցությունները` գինեգործների և ոլորտի այլ մասնագետների պատրաստման ու վերապատրաստման ոլորտում հնարավոր համագործակցության հաստատման շուրջ», – ասաց Ապրեսյանը։
Միաժամանակ նա չբացառեց ֆրանսիացի մասնագետների կողմից հայ գինեգործներին խորհրդատվական աջակցության ցուցաբերելու հնարավորությունը։
Սյուզ լա Ռուս ֆրանսիական համալսարանի պատվիրակությունն այցելել է Հայաստան գինու 5–րդ ավանդական փառատոնին մասնակցելու նպատակով, որը կանցկացվի հոկտեմբերի 4–6–ը Հայաստանի երեք գինեգործական համայնքներում` Ռինդում, Արենիում և Եղեգնաձորում։ Փառատոնի շրջանակներում կկազմակերպվի տեղական գինու ավանդական համտես, ինչպես նաև խաղողաքաղ, բերքի տոն, մրցույթներ, ավանդական խաղեր և թատերական բեմադրություններ։ Շուրջ 12 արտադրող և մոտ 40 տնային տնտեսություն կներկայացնի սեփական արտադրության գինին։–0–
Նա նշեց, որ Հայաստանում է գտնվում համալսարանի տնօրեն Ռընե Պայանի (Rene Payan) գլխավորած պատվիրակությունը, որի հետ նախատեսվում է քննարկել համագործակցության ձևաչափերը։
«Այսօր նախատեսված են ֆրանսիական համալսարանի ներկայացուցիչների և Հայաստանի ագրարային համալսարանի ղեկավարության բանակցությունները` գինեգործների և ոլորտի այլ մասնագետների պատրաստման ու վերապատրաստման ոլորտում հնարավոր համագործակցության հաստատման շուրջ», – ասաց Ապրեսյանը։
Միաժամանակ նա չբացառեց ֆրանսիացի մասնագետների կողմից հայ գինեգործներին խորհրդատվական աջակցության ցուցաբերելու հնարավորությունը։
Սյուզ լա Ռուս ֆրանսիական համալսարանի պատվիրակությունն այցելել է Հայաստան գինու 5–րդ ավանդական փառատոնին մասնակցելու նպատակով, որը կանցկացվի հոկտեմբերի 4–6–ը Հայաստանի երեք գինեգործական համայնքներում` Ռինդում, Արենիում և Եղեգնաձորում։ Փառատոնի շրջանակներում կկազմակերպվի տեղական գինու ավանդական համտես, ինչպես նաև խաղողաքաղ, բերքի տոն, մրցույթներ, ավանդական խաղեր և թատերական բեմադրություններ։ Շուրջ 12 արտադրող և մոտ 40 տնային տնտեսություն կներկայացնի սեփական արտադրության գինին։–0–
