Հայաստանում 15 ընկերություններ անցնում են աշխատանքի հատուկ ռեժիմի
ԵՐԵՎԱՆ, 16 մարտի./ԱՌԿԱ/. «Գալաքսի» ընկերությունների խումբը, որը միավորում է 15 ընկերություններ ավելի քան 3000 աշխատակիցներով, որոշում է կայացրել անցնելու աշխատանքի հատուկ ռեժիմի։
Հաղորդագրության մեջ նշվում է, որ կանխարգելման նպատակով ընկերությունների խմբի կազմում հանդես եկող և մարդկանց մեծ հոսքեր ունեցող ընկերությունները` «Երևան Մոլը» (բացառությամբ «Քարֆուր» սուպերմարկետի), «Pahest 33» բար–ռեստորանը, «Time»-–ը կփակվեն մինչև մարտի 23–ը։
«Խրոնոգրաֆ», «Մեգասթոր» և «Մեգաթոյս» խանութները կշարունակեն առցանց սպասարկումը։
Ucom ընկերությունը կսահմանի հերթապահության հատուկ գրաֆիկ` անխափան սպասարկում ապահովելու համար։
IU networks և Megafood B2B ընկերությունները հնարավորություն կստանան աշխատել առցանց ամբողջությամբ կամ սահմանված հերթապահությունների շրջանակում։–0–
