ԿԲ–ն մտադիր է նախաձեռնել քննարկում կրիպտոակտիվների ոլորտում կարգավորման մոտեցումների շուրջ
16.02.2024,
16:06
ՀՀ ԿԲ–ն մտադիր է կրիպտոակտիվների ոլորտում գործունեություն ծավալող կազմակերպությունների մասնակցությամբ կազմակերպել քննարկում կրիպտոակտիվների ոլորտում նախատեսվող կարգավորման մոտեցումների վերաբերյալ
ԵՐԵՎԱՆ, 16 փետրվարի․/ԱՌԿԱ/․ ՀՀ ԿԲ–ն մտադիր է կրիպտոակտիվների ոլորտում գործունեություն ծավալող կազմակերպությունների մասնակցությամբ կազմակերպել քննարկում կրիպտոակտիվների ոլորտում նախատեսվող կարգավորման մոտեցումների վերաբերյալ։
Ինչպես նշվում է ԿԲ–ի Facebook–յան էջում, քննարկման ընթացքում Կենտրոնական բանկը կներկայացնի ոլորտի կարգավորման ընդհանուր մոտեցումները, կլսի քննարկման մասնակիցների կարծիքներն ու առաջարկությունները:
Կենտրոնական բանկը միջոցներ է ձեռնարկել վիրտուալ ակտիվների համապարփակ կարգավորման և վերահսկման արդյունավետ մոդելի մշակման և ներդրման ուղղությամբ։
Արդյունավետ կարգավորման համար Կենտրոնական բանկը որպես հիմք կընդունի «նույն գործունեությունը, նույն ռիսկը, նույն կարգավորումը» սկզբունքը, ըստ որի ավանդական ֆինանսական գործունեությանը նման ծառայություններ առաջարկող՝ վիրտուալ ակտիվների ծառայություններ մատուցողները պետք է կարգավորվեն նույն կերպ։
Կարգավորումը հնարավորություն կտա համարժեք արձագանքել վիրտուալ ակտիվների ոլորտում առկա և հնարավոր ռիսկերին՝ միաժամանակ ստեղծելով հստակ իրավական դաշտ վիրտուալ ակտիվների ոլորտում նորարարությունների և տեխնոլոգիաների զարգացման համար:
Ավելի վաղ կարգավորող մարմնի ղեկավար Մարտին Գալստյանը հայտարարել էր, որ Կենտրոնական բանկը մտադիր է ՀՀ խորհրդարան ներկայացնել կրիպտոարժույթների վերաբերյալ օրենսդրական նախաձեռնություն՝ հիմնված կարգավորման լավագույն փորձի վրա, որն այժմ ունեն եվրոպական երկրները։-0-
Ինչպես նշվում է ԿԲ–ի Facebook–յան էջում, քննարկման ընթացքում Կենտրոնական բանկը կներկայացնի ոլորտի կարգավորման ընդհանուր մոտեցումները, կլսի քննարկման մասնակիցների կարծիքներն ու առաջարկությունները:
Կենտրոնական բանկը միջոցներ է ձեռնարկել վիրտուալ ակտիվների համապարփակ կարգավորման և վերահսկման արդյունավետ մոդելի մշակման և ներդրման ուղղությամբ։
Արդյունավետ կարգավորման համար Կենտրոնական բանկը որպես հիմք կընդունի «նույն գործունեությունը, նույն ռիսկը, նույն կարգավորումը» սկզբունքը, ըստ որի ավանդական ֆինանսական գործունեությանը նման ծառայություններ առաջարկող՝ վիրտուալ ակտիվների ծառայություններ մատուցողները պետք է կարգավորվեն նույն կերպ։
Կարգավորումը հնարավորություն կտա համարժեք արձագանքել վիրտուալ ակտիվների ոլորտում առկա և հնարավոր ռիսկերին՝ միաժամանակ ստեղծելով հստակ իրավական դաշտ վիրտուալ ակտիվների ոլորտում նորարարությունների և տեխնոլոգիաների զարգացման համար:
Ավելի վաղ կարգավորող մարմնի ղեկավար Մարտին Գալստյանը հայտարարել էր, որ Կենտրոնական բանկը մտադիր է ՀՀ խորհրդարան ներկայացնել կրիպտոարժույթների վերաբերյալ օրենսդրական նախաձեռնություն՝ հիմնված կարգավորման լավագույն փորձի վրա, որն այժմ ունեն եվրոպական երկրները։-0-
